Кыргыз-казак чек арасындагы “Ак-Тилек” көзөмөл-өткөрмө бекетинде 22-декабрь саат 17:00гө карата 468 жүк ташуучу автоунаа кезекте турат.
Бул тууралуу Кыргызстандын Чек ара кызматы билдирип, машиналардын кезеги Казакстандын Жамбыл облусунда аба-ырайы жакшырып, Кыргызстандан Казакстанга жана башка өлкөлөргө жүк ташуунун агымы кескин көбөйгөнү менен байланыштырды.
Кыргыз-казак мамлекеттик чек ара тилкесиндеги бардык өткөрүү жайлары штаттык режимде иштеп жатат.
Өткөн аптада Казакстандын бир катар аймактарында, анын ичинде Жамбыл облусунда күн кескин сууктап, айылдарда, жолдордо жана темир жолдордо чоң көйгөйлөрдү жараткан. Бороон-чапкындан улам жолдорго кар күрткүсү толуп, ондогон адамдар тыгында калып калышкан. (BTo)
Дагы караңыз
