Экономика боюнча Нобел сыйлыгы быйыл америкалык экономист, илимпоз Клаудия Голдинге эмгек базарындагы аялдардын ролун иликтегени үчүн ыйгарылды. Бул тууралуу 9-октябрда Швециянын падышалык илимдер академиясы жарыялады.
«Анын иликтөөлөрү бул ролдун өзгөрүүсүнүн себептерин ачып, гендердик теңчиликтеги негизги тоскоолдуктарды көрсөтөт», - деп жазылат анда.
Голдин быйыл жогорку сыйлыкка татыган 93 лауреаттын ичинен үчүнчү аял.
Ушуну менен Нобел жумалыгы аяктайт.
Экономика боюнча Нобел сыйлыгын Швециянын банкы 1968-жылы негиздеген. Анткени аны Альфред Нобел өз мурасына киргизген эмес.
Лауреатты Швециянын падышалык илимдер академиясы аныктайт.
