Президент Садыр Жапаров Кыргыз Республикасынын жарандыгына кабыл алуу жана жарандыктан чыгаруу жөнүндө жарлыктарга кол койду. Мамлекет башчынын басма сөз кызматы 18-августта билдиргендей, кыргыз паспортун алгандардын көпчүлүгү тарыхый мекенине кайтып келген этникалык кыргыздар.
Бул жолу Кыргызстандын жарандыгын алган жарандардын аты-жөнү жана саны жазылган эмес. Буга чейин бул маалымат коомчулукка ачык жарыяланып келген.
Украинада согуш башталгандан бери Кыргызстандын жарандыгын алган ондогон орусиялыктардын катарында Мамлекеттик Думанын депутатынын үй-бүлөсү, жергиликтүү кеңештердин депутаттары, спортчулар, ишкерлер да бар экени белгилүү болгон.
"Хроники" иликтөө долбоору таап чыккан бул маалыматтан кийин айрымдар Кыргызстан мунун айынан санкцияга илинип калышы мүмкүн экенин айтып чыгышкан. (КЕ)
