Өзбекстандын укук коргоо органдары мекендештерин Мексика аркылуу АКШга жөнөтүүнү убада кылган жаран кармалганынын билдирди. Кылмышка шектүү аванс катары катары акча алып жаткан жеринен колго түшкөнүн кабарлады.
Башкы прокуратурага караштуу Экономикалык кылмыштарга каршы күрөш департаментинин билдиришинче, окуя Кашкардарыя облусунда болгон жана кармалган адам кызматы үчүн 15 миң доллар сураган. Ал буга чейин "алдамчылык" беренеси менен соттолуп чыккан.
Өткөн айда дагы Ташкентте бир нече жаранды Мексика аркылуу АКШга жөнөтүүнү убада кылган эки киши алдамчылыкка шек саналып кармалган. Май айында Самаркандда ушундай кылмышка шектүү бир адам түшкөн.
Буга чейин АКШга Мексика аркылуу мыйзамсыз өткөндөрүн арасындагы кыргызстандыктар болгон.
Өткөн айдын аягында Кыргызстандын Тышкы иштер министрлиги Кариб деңизинде сууга чөгүп кеткени айтылган үй-бүлө тууралуу маалымат такталып жатканын билдирген. Анын алдында "Настоящее Время" телеканалы АКШга мыйзамсыз жол менен барган казакстандык Жанат Шамиганов менен маектешкен видеосун жарыялаган. Анда Шамиганов Кариб деңизинде алар менен чогуу бараткан кыргыз келиндин колундагы наристеси сууга түшүп кеткенин, аны куткаруу үчүн келин жана анын күйөөсү да түшкөнүн айтып берген.
Мигранттар менен иш алып барган уюмдар жана мамлекеттик мекемелер жарандарды эмгек миграциясына ошол өлкөнүн тилин, мыйзамын билип, мыйзамдуу жолдор менен барууга чакырып келет.
