3-июнда AnadoluJet авиакомпаниясынын (Turkish Airlines авиакомпаниясынын туунду компаниясы) Анкара-Бишкек-Анкара багыты боюнча биринчи учагы Бишкекке конду.
“Манас” эл аралык аэропорту эми жүргүнчүлөр Түркиянын борборуна Бишкектен түз учса болорун билдирди.
Маалыматта, каттам жумасына төрт жолу – дүйшөмбү, шаршемби, ишемби жана жекшемби күндөрү болот. Август айынан тарта Бишкектен Анкарага каттамдар күн сайын аткарылары пландалууда. Учуунун убактысы 4 саат 30 мүнөттү түзөт.
“Манас” эл аралык аэропорту авиабилеттерди сатууга жана анын баасына кийлигише албай турганын эскертти. Мындан тышкары авиакомпания менен жүргүнчүлөрдүн ортосундагы каржылык маселелерге да аралашпайт. (BTo)
Дагы караңыз
