Бүгүн, 25-майда Кыргызстандын мектептеринде кезектеги окуу жылынын аякташына байланыштуу акыркы коңгуроо салтанаты өтүп жатат.
Билим берүү жана илим министрлиги мектептеги салтанаттан кийин кафе-ресторандарда, парктарда майрам уюштурууга, жаратылышка чыгууга тыюу салынарын буга чейин да эскерткен.
Бардык билим берүү башкарамалыктары, бөлүмдөрдүн өкүлдөрү буга байланыштуу нөөмөттө болот. Ички иштер министрлиги ата-энелерге кайрылып, бул күнү балдарга машина бербөөгө чакырган.
Быйыл 9-11- класстарды Кыргызстан боюнча 180 миңден ашуун улан-кыз аяктайт. Алардын 70 миңге жакыны 11-классты бүтүрүп жатат.
Өткөн жылы Кыргызстанда акыркы коңгуроо салтанаты 9-июнда өткөн. Буга короновирус пандемиясынан улам окуу жылынын кечирээк башталганы себеп болгон. (КЕ)
