Өкмөт Ысык-Көлдөгү “Карвен-четыре сезона” эс алуу жайынын 33% үлүшүн жана “Каприз” пансионатынын 27,34% акциясын сатууну пландап жатат. Бул тууралуу Мамлекеттик мүлктү башкаруу фондунун башчысы Канатбек Тургунбеков Жогорку Кеңештин 5-апрелдеги жыйынында айтты.
Анын сөзүнө караганда, жакында эс алуу жайларын баалоо жараяны өтүп, наркы аныкталса, сатыкка чыгат.
“Карвен-четыре сезона” жоопкерчилиги чектелген коомунун 33% үлүшү мурдагы депутат, экс-вице-премьер-министр Аскарбек Шадиевге таандык болчу. Ал бир нече кылмыштары үчүн 2019-жылы сыртынан 10 жылга соттолуп, мүлктөрү мамлекетке алынган.
“Каприз” 2010-жылы Убактылуу өкмөттүн чечими менен улутташтырылган 47 объектинин арасында болгон. (BTo)
Дагы караңыз
