Ошто 23 жаштагы келиндин сөөгү Ак-Буура дарыясынын жээгинен табылган.
Ош шаардык милициясынан "Азаттыкка" билдиришкендей, окуя 2-апрелге караган түнү болгон. Алгачкы териштирүү учурунда анын жолдошу окуяга шектүү катары кармалды. Ал аялын кызганычтын айынан бычак менен моюн тушка сайып жибергенин айтып берген.
Факты боюнча Кылмыш-жаза кодексинин "Киши өлтүрүү" беренесинин негизинде иш козголду. Шектүү милициянын убактылуу кармоо жайына камалды. Келин Кара-Суу районунун Жаңы-Маале айылынын тургуну болгон.
Дүйнөдөгү аялдардын коопсуздугу жана бакубаттыгы боюнча глобалдык индексте (WPS) Кыргызстан 2021-жылы кооптуу өлкөлөрдүн катарына кирген. Статистика алардын дээрлик 90% же андан ашыгы сотко жетпей эле ар кандай жагдайда кыскарып кетерин көрсөттү. (DSh)
