7-мартта президент Садыр Жапаровдун жарлыгы менен Мурадин Тешебаев Чүй облусунун Аламүдүн районунун акими болуп дайындалды. Бул тууралуу өлкө башчынын басма сөз кызматы билдирди.
50 жаштагы Мурадин Тешебаев Ош облусунун Кара-Суу районуна караштуу Кара-Тай айылында туулган. 1996-жылы Ош технологиялык университетин аяктаган. Эмгек жолун 2000-2001-жылдары Кара-Суу райондук кеңешинде иштөөдөн баштаган.
Бир топ жыл Оштун облустук администрациясында ар кандай кызматтарда иштеп, 2018-2021-жылы өкмөттүн Ош облусундагы өкүлүнүн аппаратынын башчысы болгон. 2021-жылы президенттин Ош облусундагы өкүлүнүн аппаратын жетектеген.
Садыр Жапаров Аламүдүн районунун мурдагы башчысы Бактыбек Анаркуловду 4-мартта кызматтан алган. (BTo)
Дагы караңыз
