Бишкек-Ош автоунаа жолуна кар көчкү түшүп, "Сосновка", “Арал” постторунда автоунааларга чектөө киргизилди.
Өзгөчө кырдаалдар министрлигинин (ӨКМ) маалыматына караганда, 18-февралда саат 09:30 чамасында Бишкек-Ош автоунаа жолунун 223-чакырымында 180 миң метр куб кар көчкү түшкөн (Токтогул району, Шаркыратма тилкеси).
Буга чейин ӨКМ Бишкек-Ош автоунаа жолунун 255-чакырымында кар көчкү толук тазаланганын билдирген. Алдын ала маалымат боюнча, жабыркагандар жок.
Буга чейин Өзгөчө кырдаалдар министрлиги аба ырайына байланыштуу бир катар жолдор жабылганын билдирген. Нарында кар көчкүгө байланыштуу өзгөчө кырдаал режими киргизилген. (КЕ)
