Баткен облусунун аймагында газ баллон орнотулган жеңил машина жарылганын 7-декабрда “Азаттык” радиосуна облустук ички иштер башкармалыгынан кабарлашты.
Мекеменин маалыматына караганда, окуя 6-декабрда Кадамжай районунда болгон, машинанын ичинде төрт өзбек жараны бараткан.
““Деу-Лассети” үлгүсүндөгү автоунаасы Риштан – Сох автожолунун 16-километринде, тактап айтканда, Миң-Чынар айылынын батыш тарабын көздөй баратканда унаанын кыймылдаткыч жагына орнотулган газ баллон кокусунан жарылып кеткен”, - деп билдирди милиция.
Кырсык болгон учурда машинанын ичинде бараткан адамдардын эч кимиси жабыркаган эмес.
Факт Кадамжай районунун маалыматтардын электрондук журналына катталып, текшерүү жүрүп жатат. (JsA)
