Талибдердин өкмөтү маңзатка тыюу салганына карабастан, Ооганстанда апийим өстүрүү 32% жогорулады.
Улуттар уюмунун Маңзат жана кылмыштуулук боюнча башкармалыгынын 1-ноябрда жарык көргөн жылдык баяндамасына ылайык, талибдер апийим өстүрүүгө апрель айында тыюу салгандан бери анын баасы кескин жогорулаган.
Апийим айдагандардын кирешеси былтыркы жылга салыштырмалуу үч эсе жогорулап, 2022-жылы 1,4 миллиарда долларга жеткен. Былтыр бул сумма 425 миллион доллар болчу.
Ошону менен катары Ооганстан апийим жана героин экспортун токтоткон жок. Өлкө дүйнөдөгү апийимге болгон талаптын 80% камсыздайт.
