Орусиялык көз карандысыз журналисттер тобу “Говорит НеМосква” долбоорун түзүштү.
Орусиянын аймактарындагы жашоо жөнүндө баяндаган Телеграм каналга буга чейин ТВ-2 телеканалын жетектеген Виктор Мучник башкы редактор болду.
Жаңы медианы Орусиянын ар кайсы аймактарында иштеген көз карандысыз журналисттер, бийликтин кысымы менен өлкөдөн чыгып кетүүгө аргасыз болгондор иштетет.
TB-2 деген ат менен белгилүү Томск телекомпаниясы аймактык маалымат каражаттарынын бири болгон. Бийлик аны 2014-жылы жапкан. Кийинчерээк "ТВ-2 маалымат агенттиги" түзүлгөн. Украинада согуш башталгандан кийин бул басылманы да бийлик жапкан. Анын алдында Роскомнадзор Алексей Навальныйдын тарапкерлеринин 14-февралдагы акциясы тууралуу тексттен улам сайт жабыларын эскерткен.
Украинадагы согушту чагылдырууда Коргоо министрлигинин маалыматтарынан айырмаланган кабарларды тараткан жети миңден ашык сайттар, анын ичинде "Азаттык" радиосунун медиа долбоорлору - Север.Реалии, Сибирь.Реалии, Идел.Реалии блоктолгон. Ошондой эле "Дождь" телеканалы, "Эхо Москвы", "Медуза", DOXA, "Mediazona" радиостанцияларынын иши токтогон.
