Ысык-Көлдө балык уулоочу синтетикалык торлор жок кылганын Жаратылыш ресурстары, экология жана техникалык көзөмөл министрлигинин басма сөз кызматы билдирди.
Маалыматка ылайык, Түп районунун Маяк айылынан, Жети-Өгүз районунун Боз-Бешик айылына чейинки жана Ысык-Көл районунун Орто-Өрүктү, Чоң-Өрүктү айылдарынын аймактарында жалпы узундугу 27,5 миң метрден ашуун балык уулоочу торлор чыгарылып, жок кылынды.
Иш-чара көлдүн акваториясында жаратылышты коргоо мыйзамдарынын бузулушун алдын алуу жана аныктоо максатында жүргүзүлдү.
Буга чейин облустун ички иштер башкармалыгы көлдү мыйзамсыз балык уулагандардын торунан тазалоо рейди башталганын кабарлаган.
Ысык-Көл милициясы жыл башынан бери экологиялык коопсуздук багытында 100 кылмыштын бети ачылганын билдирди. Аныкталган фактылар боюнча 64 кылмыш иши козголуп, анын 16сы боюнча тергөө бүтүп, сотко өткөн. Жалпы материалдык зыян 2 млн. 970 миң 522 сомду түзгөн. (КЕ)
Дагы караңыз
