Саламаттык сактоо министрлигинин Ооруларды алдын алуу жана санитардык-эпидемиологиялык көзөмөл департаментинин маалыматы боюнча, акыркы бир жумада - 25-31-июлда өлкө боюнча COVID-19дун 1091 жаңы учуру катталды.
Ал бейтаптардын 911 и амбулатордук дарыланууда, дагы 180 адам ооруканага жаткырылды.
Пандемия башталган 2020-жылдан бери өлкөдө оорунун 203 776 учуру катталган. Ал эми 2022-жылдын жети айында жалпысынан COVID-19дун 19 028 учуру катталып, анын 17 034ү (89,5%) лабораториялык жол менен, дагы 1994ү (10,5%) клиникалык-эпидемиологиялык түрдө ырасталган.
Соңку маалыматтарга ылайык пандемия башталгандан бери дүйнөдө вирус дээрлик 579 миллион кишиден аныкталды. COVID-19дан көз жумгандардын саны 6,5 миллионго жакындады.
