Президент Садыр Жапаров кол койгон жарлыкка ылайык Мирлан Арстанбаев Кыргыз Республикасынын Жапониядагы атайын жана ыйгарым укуктуу элчиси кызматынан бошотулду. Бул тууралуу мамлекет башчысынын маалымат кызматы 2-августта билдирди.
Мирлан Арстанбаев Жапониядагы ишин Токио шаарындагы резиденцияда отуруп 2021-жылдын июлунан бери Кыргыз Республикасынын Австралиядагы, Жаңы Зеландиядагы жана Филиппин Республикасындагы атайын жана ыйгарым укуктуу элчилик кызматы менен айкалыштырып келген. Ал Жапониядагы элчиликке 2019-жылдын мартында Сооронбай Жээнбековдун буйругу менен дайындалган.
Садыр Жапаровдун дагы бир жарлыгы менен Талант Султанов Кыргыз Республикасынын Түркмөнстандагы атайын жана ыйгарым укуктуу элчиси кызматынан бошотулду. Ал бул орунга 2021-жылдын май айында дайындалган.
