Селге байланыштуу жабылып калган Бишкек - Нарын - Торугарт унаа жолу бир тараптуу ачылды. Бул тууралуу Ысык-Көл облустук милициясынын басма сөз кызматы кабарлады. Маалыматка караганда, жеринде Жол тейлөө ишканасынын кызматкерлери иштеп жатат.
30-июлда саат 11:00 чамасында кыска мөөнөттө жааган жаандын кесепетинен Бишкек - Нарын - Торугарт унаа жолунун 128-129 чакырым аралыктарында сел жүрүп, кум-шагыл унаа жолду жаап калган. Жол каттамы эки тараптуу жабылган. Мындан улам жол тыгыны пайда болгон.
Бишкек - Балыкчы темир жол каттамы дагы селге байланыштуу убактылуу жабылганын "Кыргыз темир жолу" мамлекеттик ишканасынан билдиришти.
Жаратылыш кырсыгы Ысык-Көлдө жайкы туристтик сезон кызып турган маалда катталды.
ӨКМ 29-30-июлда Ысык-Көлдүн айрым айылдарын сел каптаганын кабарлаган. (КЕ)
