"Жалал-Абад тазалык" шаардык муниципалдык ишканасы жаңы техника менен толукталды. Бул тууралуу 20-июлда шаар мэриясынан билдиришти.
Жалпы баасы 28 миллион сомго бааланган таштанды ташыган төрт машинадан тышкары 11 миллион сомдук 300 контейнер алынды.
Жергиликтүү бийлик жалпы сумманын 40 пайызын, калганын "Жаратылышты өнүктүрүү фонду" каржылады.
Буга чейин ишканага быйыл жазында да төрт машина сатылып берилген.
72 миң абонентти тейлеген "Жалал-Абад тазалыкта" 30 машина бар. (TB)
