Кыргызстанда 27-июндан 3-июлга чейин коронавирус жуктурган 48 адам катталды. Алардын ичинде 43ү - Бишкекте. Ооругандардын үчөө ооруканага жаткырылган, алардын абалы орто деп бааланууда. Өлкөдө май айынан баштап вирус жуктургандар катталган эмес.
Бул тууралуу Оорулардын алдын алуу жана мамлекеттик санитардык-эпидемиологиялык көзөмөл департаменти маалымдады. COVID-19 пандемиясы башталган 2020-жылдын мартынан бери өлкөдө 201 101 адам инфекцияны жугузган, анын 2991и каза болгон.
Борбор Азия мамлекеттеринен Өзбекстан менен Казакстанда оору кайрадан күчөп, эки өлкө вируска каршы чараларды жандантты. (TSh)
Дагы караңыз
