18-июнда кечки саат алтыда Бишкектеги “Ала-Тоо” кинотеатрынын алдында эл аралык йога күнү белгиленет.
Бул тууралуу Бишкек мэриясынын басма сөз кызматы кабарлады. Сегизинчи жолу өтүп жаткан иш-чараны Индиянын Кыргызстандагы элчилиги менен калаа башчылыгы бирге уюштурган.
Йога күнүнүн алкагында Курманжан Датканын эстелигинин алдында йога сабактары уюштурулат.
Йога - дене менен рухтун биримдигин камтыган байыркы индиялык салт. Дене менен жан дүйнө сергектигинин этикалык маданияты болуп саналат.
2014-жылы БУУ эл аралык йога күнүн белгилөө боюнча резолюция кабыл алган.
Резолюцияны 177 мамлекет, анын ичинде Кыргызстан да колдоп, йога күнү белгиленип келет. (BCh)
