Украинанын борбору Киев шаарында 5-июндун таңында бир нече катуу жарылуу болгонун шаар мэри Виталий Кличко тастыктады.
Анын айтымында, шаардын эки районунда бир нече жарылуу болду.
“Тийиштүү кызматтар жеринде иштеп жатышат. Толугураак маалымат кийинчерээк берилет” деп жазды ал Telegram каналына.
Социалдык түйүндөрдүн колдонуучулары Киевдин чыгыш тарабында чоң түтүн көрүнүп жатканын жазышты.
Акыркы жолу ракеталык чабуул Киевге 28-апрелде жасалып, 25 кабат үй жарым-жартылай талкаланган. Орусиянын ракетасынан ошол үйдө жашаган “Азаттыктын” украин кызматынын кабарчысы Вера Гирич каза болгон. (RK)
