Кыргызстанда журналисттер жана активисттер үчүн киберкоопсуздук боюнча акысыз кызмат түзүлдү. Tech4Society долбоорун ISOK (Интернет коомчулугунун кыргыз бөлүмү) коомдук бирикмеси, Nothing2Hide программасы жана “Сорос-Кыргызстан” фонду ишке ашырууда.
Tech4Socity – жарандык коомду, активисттерди жана журналисттерди колдоо максатында санариптик коопсуздуктун көйгөйлөрүнө ыкчам жардам көрсөтүү үчүн атайын иштелип чыккан сервис.
Долбоордун алкагында кыргыз жана орус тилдеринде техникалык жардам көрсөтүүчү колл-борбор күнү-түнү иштейт.
Tech4Society долбоорунун жетекчиси Нурбек Арзымбаевдин айтымында, жыл башынан бери эле ондон ашык журналист жана активист аккаунту бузулганын билдиришкен, 2019-жылдын аягында бажыдагы коррупция тууралуу журналисттик иликтөө жарыялангандан кийин жалпыга маалымдоо каражаттары болуп көрбөгөндөй DDoS чабуулдарга дуушар болушкан. (RK)
