Кыргызстанда коронавируска каршы вакцинанын биринчи дозасын алгандар жалпы калктын 19 процентине жетти. Бул тууралуу Республикалык иммунопрофилактика борборунун жетекчиси Гүлбара Ишенапысова 11-майда билдирди.
Анын айтымында, эмдөөдөн биринчи кезекте өтүшү керек болгон категориялар боюнча көрсөткүч 65 процентке жетти, ал эми жалпы калктын эсебинен алганда 19 процент болууда.
Өлкөгө коронавируска каршы 6 миллиондой вакцина келген, анын 3 миллионго жакыны сайылды.
COVID-19 эпидемия Кыргызстанда 2020-жылдын мартында башталган. Андан бери бул инфекция 200 миңден ашуун адамга жукту, алардын 3 миңге чукулу көз жумду.
Соңку он күндөн бери Кыргызстанда бул оору расмий каттала элек. (RK)
