Орусия Жеңиш майрамын белгилөөгө бир да чет өлкөлүк лидерди чакырбаганын Кремлдин өкүлү Дмитрий Песков билдирди.
"Жеңиш майрамына биз чет өлкө лидерлерин чакырган жокпуз. Анткени бул юбилейлик дата эмес",-деди Песков.
Жеңиш парады Москвада 9-майда өтөт. 2021-жылы башка мамлекеттердин лидерлеринен жалгыз Тажикстандын президенти Эмомали Рахмон катышкан.
Батыш лидерлери Орусия 2014-жылы Крымды аннексиялап алгандан бери Жеңиш парадына катышуудан баш тартып келишет.
2005-жылы Улуу Ата Мекендик согуштун жетимиш жылдыгына карата Москвада отуздан ашуун мамлекеттердин лидерлери чогулушкан.
Алардын арасында АКШнын президенти Жорж Буш, Франциянын лидери Жак Ширак да болгон.
