Таластагы Талды-Булак айылындагы спорт залдын машыктыруучусу Кубанычбек Жаманкуловдун айтымында, демөөрчүлөр чет өлкөлөрдөн жана Кыргызстандын булуң-бурчунан чалып, кандай жардам керектигин сурап жатышат.
Зал алардын жардамы менен оңдолуп, спортко кызыккан жергиликтүү тургундар үчүн ыңгайлуу болору күтүлүп жатат.
Ал спорт залга барып машыккысы келгендер көбөйгөнүн да кошумчалады.
29-мартта "Азаттык" Таластагы спорт залда машыккан апалар тууралуу сюжет чыгарган. Анда айылдагы кароосуз калган имаратты жашоочулар спорт залга айлантып, шарттын жоктугуна карабай жаш-кары дебей машыгып жатканы баяндалган. Видео социалдык тармактарда ар кандай талкууларга жем таштады. (MKt)
