Бүгүн, 17-мартта Бишкек-Торугарт унаа жолунун 296-297-чакырымынын ортосунда көчкү түшүп, жол толугу менен жабылды. Көчкүнүн көлөмү такталууда. Бул тууралуу Нарын облустук ички иштер башкармалыгы билдирди.
Учурда Жол кыймылын көзөмөлдөө бөлүмүнүн кызматкерлери постторду уюштуруп, кырдаалды көзөмөлгө алып жатат.
Көчкүнү Нарын облустук Жол тейлөө мекемесинин эки техникасы менен сегиз жумушчу тазалоодо. Бул тилкеге убактылуу чектөө киргизилди. (MiK)
Дагы караңыз
