Бүгүн юридикалык жактардын бирдиктүү салык декларациясын кабыл алуунун акыркы күнү. Бул тууралуу Салык кызматынын басма сөз кызматы билдирди.
28-февралда юридикалык жактар үчүн бирдиктүү салык декларациясын тапшыруу мөөнөтү аяктайт. Салык декларациясын ата мекендик уюмдар, дыйкан жана фермердик чарбалар, Кыргызстанда туруктуу мекемесин түзүү менен иштеген чет өлкөлүк уюмдар тапшырууга милдеттүү.
Толук маалыматты 116 номурунан же www.sti.gov.kg сайтынан алууга болот.
Ал эми 1-апрелге чейин мамлекеттик, муниципиалдык кызматкерлер, жеке ишкерлер жана патенттик негизде иштегендер, атуулдар, автоунаасы барлар, кыймылсыз мүлк ээлери салык декларациясын тапшырууга милдеттүү.
