Иранда француз туристи Бенжамин Бриер сегиз жылга эркинен ажыратылганын француз маалымат каражаттары анын адвокатына таянып 25-январда жазышты. Ал былтыр жазында түркмөн-иран чек арасына жакын чөлдө чакан тик учакты аралыктан башкарып жүргөн маалда тыңчылыкка жана Тегеранга каршы пропагандага айыпталып кармалган.
Иранда тыңчылкка айыпталгандарга өлүм жазасы каралган. Бриердин үй-бүлөсүнүн айтымында, ал 2018-жылы өз автоунаасы менен Скандинавиядан саякатка чыккан бейкүнөө турист.
Былтыр декабрь айынын соңунда 36 жаштагы француз камалганына каршылык билдирип ачкачылык жарыялаган. Ал учурда Ирандын түндүк-чыгышындагы Мешхед шаарындагы Валикабад түрмөсүндө жатат.
