"Электр станциялары" ачык акционердик коомунун башкы директору Талайбек Бектеновдун ордуна Эркин Тавашаров дайындалды. Бул тууралуу аталган ишкананын басма сөз кызматы кабарлады. Талайбек Бектенов 2021-жылдын февраль айынан бери мекемени жетектеп келген.
Эркин Тавашаров Жалал-Абад мамлекеттик университетин, Чехиядагы Брно жана Малайзиядагы техникалык жогорку окуу жайларды бүтүргөн.
Ал эмгек жолун 1999-жылы "Токтогул" гидроэлектр станциясынан баштаган. Мурда Энергетика министрлигине караштуу Энергетикалык, тоо-кен жана өндүрүш көзөмөлү боюнча мамлекеттик инспекцияны жетектеп турган.
"Электр станциялары" ачык акционердик коому Кыргызстандагы электр энергиясынын 98% өндүрөт. (BCh)
