Оштун “Алай” футбол клубунун мурдагы оюнчулары Асад Алимов жана Жахонгир Махмудов 20-январда автокырсыктан каза болду. Бул тууралуу маркумдардын жакындары билдирди.
Маалыматка ылайык, спортчулар ушул эле күнү Баткен облусуна барып “Нур-Баткен” футболдук клубу менен келишим түзүп, кайра Ош шаарына кайтып келаткан. Азырынча жол кырсыгынын чоо-жайы белгисиз.
Кыргызстанда 2021-жылдын 11 айында 6820 жол кырсыгы катталып, 2020-жылга салыштырмалуу 22% көбөйгөн. Былтыр 780 киши каза болуп, 10 миңден ашыгы ар кандай жараат алган. (BTo)
Дагы караңыз
