Мурда Ленин заводу деген аталыш менен белгилүү ишкананын 80 жылдыгын белгилөө 11-декабрда Бишкекте өттү. Ага Коопсуздук кеңешинин катчысы Марат Иманкулов, заводдун жамааты катышты.
Мурдагы Ленин заводунун базасындагы Бишкек штамптоочу заводу өлкөдөгү стратегиялык ишканалардын бири. Анда ок-дарылар өндүрүлөт. Завод Мамлекеттик мүлк фондуна карайт. Ишканада учурда 500дөн ашык эмгектенет.
Буга чейин өкмөт башкалаанын борборунда жайгашкан заводдун аймагынын бир бөлүгүндө «Бишкек сити» деп аталган жай куруу боюнча дирекция түзгөн эле. (TSh)
