4-ноябрга караган түндө жааган кардан борбор калаанын көчөлөрүн тазалоо үчүн "Тазалык" ишканасынын 37 машинасы иштеп жатат. Анын ичинен 28и кар тазалоочу атайын техника, алардан тышкары жолго кум-туз чачуучу тракторлор иштөөдө. Таң атканча жалпы 354 тонна туз себилди. Бул тууралуу Бишкек мэриясы маалымдады.
"Тазалык" жана "Бишкекзеленхоз" ишканаларынын 657 кызматкери көчөлөрдү кардан тазалоого тартылган.
3-4-ноябрда жааган кардан көчөлөр тазаланбаганына нааразылыктар соцтармактарга жарыяланган.
Синоптиктер 4-5-ноябрда аба ырайы кескин өзгөрүп, күн сууктап, натыйжада кар жаашы күтүлүп жатканын маалымдаган. Өзгөчө кырдаалдар министрлиги адамдардын өлүмүнө жеткирбөө жана материалдык чыгымдарды азайтуу максатында, 2-ноябрь күнү атайын телефонограмма аркылуу Жарандык коргонуу кызматтарына, облустук жана шаардык бийлик ээлерине жеткирилгенин, ал эми калкка СМС билдирүүлөр аркылуу маалымат жиберилгенин кабарлоодо.(ZKo)
