Кыргызстандын энергетика секторунун 80% эскилиги жеткен абалда турат. Бул тууралуу 11-октябрда “Коомдук диалог: Жаңы экономикалык саясат” конференциясында сүйлөп жатып экономика жана каржы министри Акылбек Жапаров билдирди.
Ал эми Бишкектин Жылуулук электр борборунун эскилиги 60% жеткени айтылды.
Эскиликтин жеткен чеги 30% деп аныкталган.
Жапаров белгилегендей, жыл сайын Кыргызстанда электр энергиясын керектөө деңгээли 4-6% жогорулоодо. Бүгүнкү күндө электр энергиясынын тартыштыгы 6 миллиард киловатты түзүүдө.
Кыргызстан электр кубатына тартыштыкты жөнгө салуу үчүн аны кошуна өлкөлөрдөн импорттоп жатат. (RK)
