Кыргызстандын футбол боюнча 2021-жылдагы кубогуна Кочкор-Ата шаарынын "Нефтчи" клубу ээ болду.
Кыргыз футбол бирлиги билдиргендей, бүгүн, 18-сентябрда Баткен шаарындагы борбордук стадиондо өткөн финалдык беттеште кочкораталык команда Бишкектин “Алга” клубу менен беттешти. Оюндун негизги убакыты 0:0 эсебинде тең чыгуу менен аяктап, пенальти тебүүдө “Нефтчи” клубу алдыга чыкты (4:2).
Ушуну менен "Нефтчи" клубу Кыргызстандын кубогуна ээ болду. Быйылкы башкы олжо үчүн премьер-лигада, улуттук лигада жана экинчи лигада ойногон 16 команда ат салышты. (ECh)
