Кыргызстандын Гуанчжоудагы жана Дубайдагы башкы консулдуктарында жетекчилик алмашты. 14-сентябрда президент Садыр Жапаровдун жарлыгы менен Искендер Орусбаев Кытайдын Гуанчжоу шаарындагы башкы консул кызматынан бошотулду. Бул кызматта ал 2018-жылдан бери иштеп келген. Анын ордуна Хомени Эргешов дайындалды.
Бириккен Араб Эмирликтеринин Дубай шаарындагы башкы консул болуп Тимур Абдижалил дайындалды. Бул кызматты 2017-жылдан бери Айбек Маматбеков аркалап келген.
Жаңы консулдардын буга чейинки эмгек жолу тууралуу расмий маалымат берилген жок. Ачык булактарда да алар жөнүндө маалымат жокко эсе. (RK)
