Жамбыл облусунда курал-жарак кампасындагы жарылуудан жаракат алган өрт өчүрүүчү, 28 жаштагы Жанибек Турманов каза тапканын Казакстандын Өзгөчө кырдаалдар министрлиги 11-сентябрда кабарлады.
Окуяда он жарандык коргонуу кызматкер, алты жоокер, бир аскер прокурору каза тапты. Дайынсыз болуп жаткан жоокер Бауыржан Даутбаевди издөө иштери уланууда.
Жамбыл облусунун Байзак районундагы курал-жарак сакталган кампа 26-августта жарылган. Жүздөй адам жаракат алган. 106 турак-жай, 13 мектеп жана 12 обьекти кыйраган.
Жарылуунун так себеби белгисиз. Коргоо министрлиги бул окуя боюнча "Курал жана айлана-чөйрөгө кооптуу заттар менен иштөө эрежесин бузуу" беренеси боюнча иликтөө башталганын кабарлаган.
Кырсыктан кийин коргоо министри Нурлан Ермекбаев кызматтан кеткен. Анын ордуна Мурат Бектанов дайындалган.
