Эгемендиктин 30 жылдыгына арналган көкбөрү боюнча президенттин кубогу үчүн эл аралык мелдештин финалисттери аныкталды.
Көкбөрү федерациясынын маалыматына караганда, Ысык-Көлдүн Чолпон-Ата шаарында 28-августта биринчи, жогорку жана эл аралык лигада жарым финалдык оюндар болуп өттү. Анын жыйынтыгында биринчи лигада Ысык-Көлдүн “Мурас” жана Бишкектин “Көк-Жал” командалары, жогорку лигада Чүйдүн “Сары-Өзөн” менен Таластын “Ынтымак” командасы, эл аралык лигада Өзбекстан курама командасы менен Кыргызстандын “Жети-Өгүз” (Ысык-Көл) командасы финалда ойнойт.
Баш байге үчүн оюндар 31-август күнү өтөт. Беттештин убактысы азырынча аныктала элек.
Финалдык оюндар “Азаттыктын” социалдык тармактардагы баракчалары жана "КТРК-Спорт" телеканалынан түз чагылдырылат.
30-августта 3-4-орун үчүн беттештер болот. Саат 10:00дө биринчи лигада ойногон Нарын облусунун “Соң-Көл” жана “Ат-Башы” командалары, саат 11:30да жогорку лигада Ош облусунун “Достук” командасы менен Ош шаарынын “Ала-Тоо” командалары ойнойт.
Президенттин кубогу үчүн Көкбөрү боюнча эл аралык мелдеш 23-августта башталган. Биринчи лигада 17 команда, жогорку жана эл аралык лигада алтыдан команда баш байге үчүн ат салышты.
Жарым финалдык беттештердин жыйынтыгы:
Биринчи лига:
“Соң-Көл” (Нарын облусу) - “Мурас” (Ысык-Көл облусу) 2:8
“Ат-Башы” (Нарын облусу)-“Көк-Жал” (Бишкек) 3:7
Эл аралык лига:
“Жети-Өгүз” (Ысык-Көл облусу) – “Бакубат-Талас” (Талас облусу) 6:1
Жогорку лига:
“Достук” (Ош облусу) – “Сары-Өзөн” (Чүй облусу) 1:4 (ECh)
