Ош шаардык ички иштер башкармалыгынын (ШИИБ) үч кызматкери чатакташкан окуя боюнча кылмыш иши козголуп, сотко чейинки өндүрүшкө алынды. ШИИБдин басма сөз кызматы маалымдагандай, иш Кылмыш кодексинин 266-беренеси ("Ээнбаштык") менен козголуп, бирдиктүү реестрге катталды.
"Ош ШИИБдин кайгуул кызматынын үч кызматкери жана төрт адам катышкан чатак 26-июлда катталган. Курманжан датка көчөсүндө унаа токтотуучу жай талашып, чатакташкан милиционерлер ошол эле күнү Сулайман-Тоо ички иштер бөлүмүнө жеткирилген. Наркологиялык экспертиза эки милиция кызматкери спирт ичимдигин ичкенин аныктады. Жаңжалга катышкан милиция кызматкерлери кызматынан бошотулду", - деп жазылат маалыматта.
Бул окуя боюнча Ички иштер министрлигинин ички коопсуздук кызматы иликтөө жүргүзүүдө. (ZKo)
Дагы караңыз
