Улуттук статистика комитети 2021-жылдагы Евразия экономикалык биримдигине кирген өлкөлөрдүн экономикасындагы абалды салыштырмалуу талдаган маалымат чыгарды.
Ага ылайык, ЕЭАБге мүчө өлкөлөрдүн ичинен июль айында 2020-жылдын декабрь айына салыштырмалуу Кыргызстанда инфляция 7% болуп, жогорку деңгээлге чыкты.
Арменияда инфляциянын деңгээли басаңдап, 3,3% болду.
Кыргызстанда товарларга болгон баалар жана тарифтер (алкоголдук ичимдиктерди жана тамекилерди эсепке алуу менен) 9,8% өстү.
Беларуста товарлардын баасы 6,7%, тейлөө наркы 5,3% жогорулады.
Кыргызстанда июнда азык-түлүк баасы май айына салыштырмалуу 19,5% кымбаттаганын Улуттук статистика комитети кабарлаган.
Улуттук банк жакынкы айларда инфляция 10% ашпай турганын, жылдын аягында 7% чейин төмөндөй турганын билдирген. Бирок май айындагы божомол боюнча сентябрга чейин инфляция 11% деңгээлинде болору, жыл соңунда 9% чейин төмөндөй турганы айтылган. (BCh)
