Германиянын Потсдам шаарында Улуу Британиянын Дэвид С. аттуу жараны кармалып камакка алынды. Ал Орусиянын чалгын кызматынын пайдасы үчүн жашыруун маалыматтарды чогултуп жүргөндө колго түшкөнүн Германиянын Башкы прокуратурасы кабарлады.
Мекеменин маалымдашынча, кылмышка шектүү Улуу Британиянын Берлиндеги элчилигинде иштечү. Ал 2020-жылдын ноябрь айында Орусиянын чалгын кызматы менен байланышып, ошондон бери тиешелүү маалыматтарды берип турганын контрчалгын кызматы байкап калган.
Тергөөдө ал өзүнүн кызматы аркылуу алынган документтердин бир нускасын орусиялык чалгын кызматына жибергени тууралуу далилдер табылган. Буга сый-акы катары акча алып турганы айтылып, бирок канча өлчөмдө экени ачыкталган эмес.
Ошондой эле, Германиянын прокуратурасы кармалган адам 57 жашта экенин жана жашаган жери тинтүүгө алынганын билдирди. Тыңчылыкка шектелген британ жаранынын бул окуяга байланыштуу башка жагдайлары толук айтылган эмес. 11-августта сотт анын бөгөт чарасы чечилет.
