Белгилүү кино жана театр актрисасы Искра Райымкулова 85 жашка караган курагында каза болду. Бул тууралуу анын жакындары кабарлашты.
Искра Райымкулова 1957-жылдан тартып Кыргыз мамлекеттик драма театрында жарым кылымдан ашуун эмгектенген. Ал сахнада Алтынайдын ("Биринчи мугалим"), Алимандын ("Саманчынын жолу"), Корделиянын ("Король Лир"), Жульеттанын ("Ромео менен Жульетта") жана башка бир катар каармандардын образдарын мыкты жараткан. Токтогул Сатылганов тууралуу көркөм тасмада Алымкандын ролун ойногон.
Мындан тышкары "Балалык менен коштошуу", "Күнөстүү арал", "Он үчүнчү небере" көркөм тасмаларында тартылган.
Бексултан Жакиевдин "Атанын тагдыры" драмасында Жеңишбектин легендага айланган образын жараткан. (ZKo)
Дагы караңыз
