Алмаз Мамбетов Ош шаарынын мэриясына тааныштырылып, мэрдин милдетин аткарууга киришти. Бул тууралуу "Азаттыктын" аймактагы кабарчысы билдирди.
45 жаштагы Алмаз Мамбетов 2016-2019-жылдары Балыкчы шаарынын мэри, 2019-2020-жылдары Мамлекеттик катоо кызматынын төрагасы, 2020-жылдагы октябрь окуяларынан кийин президенттин иш башкармалыгынын төрагасы болуп иштеген.
Ош шаарынын мэрин шаардык кеңештин депутаттары шайлайт. 11-июлдагы шайлоодо шаардык кеңешке төрт партия өткөн.
“Ата-Журт Кыргызстан” – 19, “Биздин Кыргызстан” – 15, “Улуттар Биримдиги” – 7, “Бир Бол” – 4 мандат алышкан. (МТа/MrA)
