Ысык-Көл облусунун Ак-Суу районунда жоголгон туристтин сөөгү 1-августта табылды. Ал 15-июлдан бери дайынсыз болуп жаткан. Тек-жайы такталып, милицияга өткөрүлүп берилгенин Өзгөчө кырдаалдар министрлиги кабарлады.
Орусиянын жараны, теги казакстандык 29 жаштагы Варвара Конопасевич үй-бүлөсү менен Каракол-Ала-Көл жайлоосуна эс алууга келген. Отун тергени кеткен бойдон дайыны чыкпай калган.
Издөө иштери тоолордо, дарыялардын жээгинде жана токойдо жүргүзүлдү. Сөөгү Каракол суусунан табылды.
