“Ден соолук кербени” долбоорунун алкагында көчмө клиникалар Баткендин Лейлек районун кыдырып баштады. Чек арага жакын жайгашкан жашоочуларды медициналык кароодон өткөрүп, акысыз дарылашат.
Бул тууралуу Министрлер кабинетинин Баткен облусундагы ыйгарым укуктуу өкүлчүлүгү маалымдады.
Көчмө клиникада гинекология, стоматология, хирургия жана терапия боюнча адистер бар. УЗИ жана рентген жабдуулары менен жабдылган.
“Ден соолук кербени” долбоору Евразия стабилдештирүү жана өнүктүрүү фондусу тарабынан гранттык негизде каржыланган. (TSh)
