Кыргызстандын Австриядагы элчилиги Чехияда каза болгон 32 жаштагы кыргызстандык Адилет Сейитбековдун туугандары менен байланышты. Тышкы иштер министрлиги маалымдагандай, элчиликтин кызматкери маркумдун өлүмүнүн чоо-жайын иликтөө жана анын сөөгүн мекенине жеткирүү иштерин уюштуруу үчүн Чехияга жөнөп кетти.
20-июндан 21-июнга караган түнү Чехиянын борбору Прага шаарында кыргызстандык Адилет Сейитбеков киши колдуу болгон. Ал 3,5 жыл мурун Чехияга иштегени келген.
Такталбаган маалыматтарга караганда, Чехияда жашап-иштеген кыргызстандыктардын саны беш миңден ашуун. Алардын саны акыркы жылдары кескин көбөйгөн. Басымдуу бөлүгү эмгек миграциясында жүргөндөр. (ZKo)
Дагы караңыз
