Бишкек шаарында вице-мэрлер алмашты. Мэриянын басма сөз кызматы 16-июнда кабарлагандай, биринчи вице-мэр Алмаз Бакетаев башка ишке өткөнүнө байланыштуу жумуштан кетти.
Анын ордуна вице-мэрлик кызматты аркалап келген Жамалбек Ырсалиев дайындалды, ал буга чейинкидей эле турак жай-коммуналдык чарба маселелерин тейлейт.
Максатбек Сазыкулов экономика жана каржы маселелери боюнча вице-мэр болду. Буга чейин ал Орус-Кыргыз өнүктүрүү фондунда департамент башчысы болуп иштеп жаткан.
Бишкек мэриясында биринчи вице-мэрден тышкары ар бир багытты тейлеген төрт вице-мэр бар. (RK)
