Португалиянын Порту шаарында 29-майда өткөн Чемпиондор лигасынын финалында англиялык “Челси” клубу англиялык дагы бир “Манчестер сити” футбол клубун 1:0 эсебинде утту.
Беттештеги жалгыз голду оюндун 42-мүнөтүндө жарым коргоочу Кай Хаверц киргизди.
“Челси” ушуну менен экинчи ирет Чемпиондор лигасынын жеңүүчүсү болду. Клуб бул мелдешти биринчи жолу 2012-жылы уткан.
“Манчестер сити” клубу Чемпиондор лигасынын финалында биринчи жолу ойноду.
Чемпиондор лигасы - Европа футбол биримдигинин ири клубдук турнири.
