АКШнын президенти Жо Байден Кыргызстандагы элчи Дональд Луну мамлекеттик катчынын Түштүк жана Борбор Азия иштери боюнча жардамчысы кылып дайындоо ниетин билдирди.
АКШнын Кыргызстандагы элчилиги 24-апрелде бул билдирүүнү сыймыктануу менен кабыл алганын жарыялады.
Маалыматка караганда, Мамлекеттик департаменттин Түштүк жана Борбор Азия иштери боюнча бюросуна Борбор Азиянын беш өлкөсү, Индия, Пакистан, Ооганстан, Непал, Шри-Ланка, Бангладеш, Мальдив аралдары, Бутан кирет.
Элчилик Дональд Лу жаңы кызматта кыргыз-америка мамилесин тереңдетүү боюнча ишин улантат деген кубанычын билдирди.
Дональд Лу АКШнын Кыргызстандагы элчиси болуп 2018-жылдын 18-сентябрында дайындалган. (NT)
