Бишкектин Биринчи май райондук соту Экономикалык кылмыштуулукка каршы күрөшүү кызматынын мурдагы башчысы Бакир Таировду коррупцияга күнөөлүү деп тапты. Ал мамлекетке 265 миң сом айып төлөмөй болду. Чечим 21-апрелде чыкканын "Азаттыкка" райондук соттон билдиришти.
Бакир Таиров 2020-жылы октябрдагы парламенттик шайлоо үчүн мамлекеттик мекемелерден акча чогулткан деген шек менен 10-декабрда кармалган. Улуттук коопсуздук мамлекеттик комитетинин убактылуу кармоочу жайына киргизилип, 17-февралда үй камагына чыгарылган.
Бакир Таиров же анын мыйзамдуу өкүлдөрүнөн азырынча комментарий алууга мүмкүн болгон элек. (SE)
Дагы караңыз
