Кыргыз-Кытай чек арасында жайгашкан "Торугарт-автожол" жана "Эркечтам-автожол" өткөрмө пункттары 3-апрелден 5-апрелге чейин жабылат. Бул тууралуу Кыргызстандын Мамлекеттик чек ара кызматы кабарлады.
Билдирүүдө айтылгандай, мындай тартип коңшулардын мамлекеттик майрамына байланыштуу Кытай тараптын сунушу менен киргизилген.
Торугарт жана Эркечтам жолдорундагы кыймыл 6-апрелден тартып жанданат.
Мамлекеттик чек ара кызматы бул посттор Кытайдан Кыргызстанга товар ташуу үчүн гана иштеп жатканын кошумчалады.
Кыргыз-кытай чек арасы адатта Курман айт, Жаңы жыл майрамдарында жана Кытайдын улуттук мааракелеринде жыл сайын жабылып турат. (MiK)
Дагы караңыз
